Magalean
Izena-eman!
Zure lana hezkuntza-sektorearekin lotuta badago, bereziki 0-6 urteko haurren Haur Hezkuntzarekin, Irakasle-titulazioarekin (edozein espezialitatetan) edo Haur Hezkuntzako goi-mailako titulazioarekin, prestakuntza hau guztiz egokia da zuretzat. Psikologoa, pedagogoa, sanitarioa, gizarte-hezitzailea bazara, edo hezkuntzarekin eta prebentzioarekin zerikusia duen edozein lizentziatura baduzu. Edozein eremutan izanik, Haurtzaroarekin nolabaiteko harremana baduzu, edota zure azken prestakuntza-ikasturteetan bazaude, hauxe da zure formakuntza.
Junkal. F
Irakaslea
Psikomotrizitate Erlazionala formakuntzak, errespetutik eta indibidualtasunetik abiatuta, haur bakoitza modu askoz sakonagoan behatzeko eta ikusteko aukera eman zidan.
Kamy Mateo
Irakaslea
Haurtzaroa akonpainatzen laguntzen duzunean eta garapen integrala eta errespetuzkoa bultzatzen duen hezkuntza batean irmo sinesten duzunean, Psikomotrizitate Erlazionala formakuntza liluragarria izateaz gain, funtsezkoa eta beharrezkoa da.
Begoña Goñi
Psikologoa
Psikomotrizitate Erlazionala prestakuntzari esker, ulermen handiagoa dut bizitza-prozesuen akonpainamenduan. Haurrarekin benetako komunikazioa izateko tresnakeman dizkit.
Alain Fernandez
Irakaslea
Formakuntza integrala da, zeure burua pertsona gisa garatzen laguntzen dizu eta, aldi berean, zure lanbide-profila hobetzeaz gain ikasleekin psikomotrizitate saioak aurrera eramateko beharrezkoak diren gaitasunak garatzen dituzu. Metodologiak, edukiek, bizipenek eta, bereziki tutoreek, horrelako formakuntza batek behar duenarekin asmatzen dute %100ean
Nora Urkiaga
Haur Hezitzailea
Psikomotrizitate Erlazionalaren prestakuntza nire bizitzan eta lanbidean mugarri izan da niretzat. Izan nintzen haurra eta lan egiten dudan haurrak ulertzeko tresnak ematen dizkit.
Kizkitza. A
Haur Hezitzailea
Psikomotrizitate Erlazionala formakuntzari esker haurren beharrak identifikatzen ikasi dut. Era berean, jabetu naiz haurren beharrak eta gureak desberdinak direla eta zein garrantzitsua den haurraren bidelagun izatea, bere egonezinak identifikatu eta asetze aldera.
Profesionalak prestatzea, gorputzaren bidezko komunikazioak eskatzen duen errespetuzko entzute, itxarote eta akonpainamendu trebetasunak eta gaitasunak eskuratuz, prebentzio-lanari begira eta haurraren garapen osasungarria ahalbidetuz.
Ikastaroaren PDF-a deskargatu
Prestakuntza teorikoaren helburua da gure ikasleek giza garapenaren heldutasun-prozesuak ikuspegi holistiko batetik ulertzea. Prozesu horiek eraikitzen dituzten sareak xehatuko ditugu eta hauek gure gorputzak bizi izan duenagatik erakusten duen aztarnarekin erlazionatuko ditugu, komunikazioa hortik ezartzen baita. Honen guztiaren garapena saio didaktikoen bidez jorratuko dugu. Teoria eta praktika talde-dinamikekin konbinatuko ditugu, eguneroko egitearen hausnarketa ahalbidetzen dutenak, ikaskuntzen eraikuntza/asimilazioari euskarria emanez. Prestakuntza hau prestatzaile-taldeak berak jorratuko du, baita gure planteamendu global eta integralarekin bat egiten duten beste hainbat espezialistek ere. Hau guztia, diziplina anitzeko modu dinamiko eta parte-hartzailean, ikasle bakoitzaren estiloa errespetatuz.
Harremanen eraikuntza psikoafektiboa bizitzeko eta partekatzeko sortutako espazio-denbora baten bidez, bizipenean azaleratzen diren tonuaz eta gorputz-jarrera pertsonalez jabetu nahi da. Horrela, gure barne-sakonean dugun haurrari bizitzeko aukera emango diogu, adierazteko, identifikatzeko eta modulatzeko era berriak ikasiz, berez ditugunak onartzetik abiatuta, beti ere. Gure entzumen-enpatia, errespetua, itxaronaldia... Bezalako jarreretan murgiltzeak ahalbidetuko du nork bereak eta besteen jarrerak ulertzea, eta baita haurrenak ere. Bizi-esperientziaren eta talde-dinamikaren bizipena aberastasun bat da, aniztasunarekiko eta partekatzearen plazerrarekiko ulermenera eta errespetura itzultzen gaituena.
Arian-arian, ikasleak eduki teoriko eta bizipenezko hauek bere praktika profesionalean uztartuko ditu, bere haur-taldean. Testuinguru eta prozesu horretan, ikasle bakoitzak bere praktika gorpuztuko du, bai atal teorikoan, bai bizipenetan. Praktika horrekin batera, gainbegiratze pertsonalizatua egiten da, bi mailatan: Talde prestatzaileari aurkezten zaion praktika profesionala lantzea eta hausnartzea, modu presentzialean eta ikus-entzunezko baliabideak landuz. Eta talde osoaren aurrean bere praktika profesionala lantzea, hausnartzea eta azaltzea, praktika horren dekodifikazio sinbolikoa eta talde-analisia egite aldera. Gainbegiratzen-lan horrek berekin ekarriko du nork bere zein taldearen praktika profesionalaren azterketan oinarritutako eraikuntza teorikoa. Eraikuntza hau praktikari darion teorian oinarrituko da, aretoan praktika profesionalari buruzko hausnarketen eraikitze eta sendotzean.
MAGALEAN prestakuntza-prozesua pertsonalizatua eskaintzen duen diziplina anitzeko taldea da. Nor garen eta zer egiten dugun argi izatetik, etorkizuneko psikomotrizistari perfil propioaren eraikuntzan akonpainamendua egiten diogu, bere erritmoaren, gaitasunen eta mugen onarpenetik abiatuta. Psikomotrizistaren lana artea da guretzat, nork bere estilo pertsonaletik eta hausnarketatik elkarrekin ikasteko artea. Urteetako esperientziari, maitasunari eta haurtzaroarekiko eta hezkuntzarekiko pasioari esker, prozesu honetan zehar akonpainamendua egitea guztiz atsegingarria egiten zaigu.
Arantxa
Irastorza
Psikomotrizista Erlazionala eta Hezkuntza-Zientzietan Lizentziatua. Haurrekin hezkuntza eta terapia-arloan lan egiten urtetako esperientzia, baita irakasleen formakuntzan eta familien esku-hartzean ere.
Imanol
González
Psikomotrizista Erlazionala, Psikologoa, Pedagogia Terapeutikoa eta Entzumeneko eta Hizkuntzarako irakaslea, Nafarroako Gobernuaren sare publikoan.
Alexia
Martín
Psikomotrizista Erlazionala, Psikologoa eta Haur Hezitzailea. Urteetako esperientzia Hezkuntza eremuan, terapeutikoan, irakasleen formakuntzan eta famili esku-hartzean.
Jon
Urdineta
Psikomotrizista Erlazionala eta Gorputz-Hezkuntzako irakaslea. Prebentzioan eta haur zein guraso-taldetan esperientzia.
Jaime
Tanco
Harremanaren gorputz-analista, Anne Lapierre eta Victor Garciarekin prestatua. Irakaslea, Pedagogian Lizentziatua eta Nafarroako Hezitzaileen Eskolan irakasle.
Patricia
Bertoncini
Harremanaren gorputz-analista. Anne Lapierre eta Marino Ostanelekin formatua. Zientzia Motorretan lizentziaduna: desgaitasuna duten ikasleen sostengu-espezialitatea. Erreferente Massa eskola-barrutian (Italia), eskola-zailtasunak dituzten ikasleen integrazioa eta inklusioa bermatzeko.
Hendrik
Vaneeckhaute
Psikomotrizista Erlazionala eta prebentzioan eta haurren osasunean aditua. Esperientzia maila terapeutikoan, hezkuntzan eta prebentzioan, baita irakasleen prestakuntzan eta familia esku-hartzean.
Arantxa Irastorzarekin batera, Alikanteko inguruan Psikomotrizitate Erlazional espezialistaren prestakuntzan formatzailea.
MAGALEANeko Psikomotrizitate Erlazionalaren formazioan interesa baduzu, eman izena 2023-2025 ikasturterako eta zurekin harremanetan jarriko gara.
Avda Tolosa 87 bajo / Tolosa Hiribidea 87 behea
20018 Donostia
607 704 837 (Arantxa)/ 652 704 937 (Alexia)
psicomotricidadrelacion@gmail.com